Disgrifiad o'r Cwmni

Mae gan Cyngor Gwynedd becyn cyflogaeth deniadol, am ragor o wybodaeth cliciwch ar y Pecyn Gwybodaeth
Mae Cyngor Gwynedd yn gweithredu’n fewnol trwy gyfrwng y Gymraeg ac yn cynnig ei holl wasanaethau yn ddwyieithog. Bydd angen i’r ymgeisydd gyrraedd y lefel ieithyddol sy’n cael ei nodi fel un o’r sgiliau hanfodol yn y Manylion Person.
Rydym yn annog pob ymgeisydd am swydd gyda’r Cyngor i gyflwyno ceisiadau yn Gymraeg neu yn ddwyieithog.
(Bydd ceisiadau sydd yn cael eu cyflwyno yn uniaith Gymraeg neu Saesneg yn cael eu trin yn gwbl gyfartal, ond gofynnir i’r ymgeisydd ystyried yn ofalus beth yw gofynion iaith y swydd a’r sefydliad ac a fyddai cyflwyno cais yn uniaith Gymraeg yn fwy addas.)
Am sgwrs anffurfiol gellir cysylltu â Sian Pennant Jones drwy e-bost [email protected]
Dyddiad Cyfweliad:- 20/04/2026
Ffurflenni cais a manylion pellach gan Gwasanaeth Cefnogol, Cyngor Gwynedd, Swyddfa'r Cyngor, Stryd y Jêl, Caernarfon, LL55 1SH
Ffôn: 01286 679076
E-Bost: [email protected]
DYDDIAD CAU: 10.04.2026
Os yn llwyddiannus i fod ar y rhestr fer am gyfweliad, byddwn yn cysylltu a chwi drwy’r cyfeiriad E-BOST a gofnodwyd gennych ar eich ffurflen gais. Mae angen i chwi sicrhau eich bod yn gwirio eich E-BOST yn rheolaidd.


Swydd Ddisgrifiad

Pwrpas y swydd
Sicrhau bod pobl Gwynedd yn ganolog i bopeth yr ydym yn ei wneud.
Cefnogi’r gwaith o wireddu blaenoriaethau twristiaeth cynaliadwy Gwynedd ac Eryri
Cefnogi’r gwaith o ddatblygu a chreu asedau cyfathrebu iw defnyddio ar wefan a chyfryngau cymdeithasol Eryri Mynyddoedd a mor a sicrhau gweithrediad effeithiol y cyfrifon hynny yn unol a chanllawiau a pholisïau , Cyngor Gwynedd
Goruchwilio rheolaeth Cynllun Llysgennad Gwynedd


Cyfrifoldeb am adnoddau e.e. staff, cyllid, offer
Offer - Offer swyddfa i ddiben y swydd , gofalaeth dros ffeiliau.


Prif ddyletswyddau
Cefnogi’r gwaith o wireddu blaenoriaethau Twristiaeth Cynaliadwy Gwynedd ac Eryri a gweithredu prosiectau marchnata a ariannir trwy gymorth grant .
Cefnogi’r gwaith o ddatblygu a chreu testun, ffilm a chomisynu lluniau i’w gosod or newydd neu i ddiweddaru cynnwys gwefan Eryri Mynyddoedd a mor a gweinyddu ymholiadau yn gysylltiedig a gweithrediad dyddiol yr wefan twristiaeth sirol.
Cefnogi’r gwaith o greu testun ai gyflwyno ar gyfryngau cymdeithasol Eryri Mynyddoedd a mor.. Hyn yn cynnwys sicrhau plethiant integredig rhwng y gwahanol platfformau digidol y gwasanaeth a gwefan Eryri Mynyddoedd a mor. Monitro y tueddiadau ac ymarfer da yn y maes ai adlewyrchu yn deilliant y gwaith.
Cyfrifol am greu asedau cyfathrebu yn unol a canllawiau brand a pholisïau y Cyngor ar ran y Gwasanaeth ac yn Adrannol o bryd iw gilydd.
Monitro’r adborth a sylwadau sydd yn cael iw rhannu ar gyfryngau cymdeithasol y gwasanaeth a gweithredu arnynt yn unol ar gofyn
Cefnogi’r gwaith o ddatblygu cynnwys sirol ar ffurf modiwla digidol caiff iw gosod ar strwythur Llysgenhadon twristiaeth rhanbarthol .
Cydgordio rheolaeth platfform gwybodaeth cynllun Llysgennad Gwynedd ac ymateb i ymholiadau yn deillio o’r cynllun a gwobrwyo y rhai sydd wedi cwblhau y gwahanol lefelau o fodiwlau.
Bod yn gyfrifol am gydgordio cynllun i hyrwyddo a marchnata argaeledd y cynllun ac adrodd ar ddeilliannau’r prosiect .Cynrychioli’r gwasanaeth mewn cyfarfodydd rhanbarthol ynghylch ar Cynllun Llysgennad sirol.
Ymgysylltu gyda’r sector fusnes, mentrau cymdeithasol, mudiadau gwirfoddol ac unigolion er mwyn annog pobl i fod yn rhan o’r cynllun Llysgennad sirol.
Cynorthwyo’r gwasanaeth i baratoi a dylunio deunyddiau cyhoeddusrwydd yn ôl yr angen.
Mynychu sioeau, gweithgareddau a digwyddiadau allan o oriau ac ar benwythnosau yn nol yr angen
Derbyn cyfrifoldeb am offer sydd yn gysylltiedig â’r swydd, ffeiliau gwaith , trefniadau monitro ac i gadw cofnod adnoddau.
Cyfrifoldeb am hunan ddatblygiad
Sicrhau cydymffurfiaeth â rheolau Iechyd a Diogelwch yn y gweithle yn unol â’r cyfrifoldebau a nodir yn Neddf Iechyd a Diogelwch yn y Gweithle 1974 a Pholisi Iechyd a Diogelwch y Cyngor.
Gweithredu o fewn polisïau’r Cyngor yng nghyswllt cyfle cyfartal a chydraddoldeb.
Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cyngor.  Sicrhau bod gwybodaeth bersonol yn cael ei thrin mewn cydymffurfiaeth â deddfwriaeth Diogelu Data
Ymrwymiad i leihau allyriadau carbon y Cyngor yn unol â’r Cynllun Rheoli Carbon ac annog eraill i weithredu’n gadarnhaol tuag at leihau ôl-troed carbon y Cyngor.
Ymgymryd ag unrhyw ddyletswydd arall cyfatebol a rhesymol sy’n cyd-fynd â lefel cyflog a lefel cyfrifoldeb y swydd.
Cyfrifoldeb i adrodd am bryder neu amheuaeth bod plentyn neu oedolyn bregus yn cael ei gamdrin


Amgylchiadau arbennig
Ar achlysuron arbennig bydd angen i deilydd y swydd weithio oriau anghymdeithasol


Manylion Person
Nodweddion personol
Hanfodol
Sgiliau cyfathrebu gan ddefnyddio cyfryngau gwahanol
Creadigrwydd a’r awydd a’r hyder i gynnig syniadau
Gonestrwydd, hunan hyder, pendantrwydd a hyblygrwydd
Brwdfrydedd, dyfalwch a’r ewyllys i ddatrys problemau.
Hunan cymhelliant.
Cymeriad diplomyddol ac amyneddgar
Gallu i dderbyn cyfrifoldebau ac i gyfathrebu'n effeithiol.
Gallu i weithio o dan bwysau ac fel rhan o dîm.
Sgiliau ymchwilio, cynllunio a threfnu


Cymwysterau a hyfforddiant perthnasol
Hanfodol
Gradd neu gymhwyster cyfwerth mewn pwnc sy'n berthnasol i anghenion y
swydd (o ystyried natur y swydd, bydd profiad sylweddol yn y maes yn cael ei
ystyried yn gymhwyster addas / ychwanegol)
Dymunol
Cymhwyster ychwanegol mewn marchnata a/neu cyfathrebu
Cymhwyster ECDL neu gymhwyster cyfwerth yn nefnydd TGCh
Cymhwyster Rheoli Prosiect


Profiad perthnasol
Hanfodol
Profiad o gyfathrebu / gweithio gydag unigolion a grwpiau ar lefel eang, a datblygu cynulleidfaoedd newydd.
Profiad o ddatblygu, cydlynu a gwireddu rhaglenni/ prosiectau marchnata a neu cyfathrebu, Megis creu deunydd aml-gyfrwng (clipiau fideo, delweddau, lluniau, IG) i hyrwyddo’r ardal ar ein gwefan a’n cyfrifon cyfryngau cymdeithasol e.e. Facebook, X, Instagram, Tik Tok, Youtube.
Profiad o gydlynu ac arwain ar gytundebau, a dealltwriaeth o drefniadau caffael
Cefndir o weithio mewn tîm neu fel unigolyn heb oruchwyliaeth.
Profiad a dealltwriaeth o dwristiaeth a marchnata twristiaeth
Dymunol
Profiad o waith a phrosesau datblygu economaidd a chymunedol
Profiad o weithio mewn Llywodraeth Leol.
Profiad o baratoi a gweithredu rhaglenni gwaith
Profiad o wneud gwaith ymchwil a chasglu data
Profiad o baratoi ceisiadau grant


Sgiliau a gwybodaeth arbenigol
Hanfodol
Sgiliau cyfathrebu cryf gan gynnwys sgiliau rhyngbersonol a’r gallu i hyrwyddo cydweithio
Sgiliau yn berthnasol i ddatblygu, cyflawni a monitro rhaglen gydlynol o weithgareddau twristiaeth a marchnata
Y gallu i ymdrin â phobl o bob oed a chefndir a’r gallu i gyfathrebu a dylanwadu rhanddeiliaid wrth ystyried eu hanghenion / dyheadau
Y gallu i ymgymryd a thrafodaethau sensitif a pharchu cyfrinachedd
Sgiliau gweinyddol a chyfrifiadurol
Gwybodaeth am gasglu a thrin data meintiol ac ansoddol
Gwybodaeth amlinellol o faterion datblygu’r economi a thwristiaeth
Gwybodaeth am ddulliau marchnata gwahanol, a’r gallu i ddadansoddi’r
dulliau mwyaf priodol i gefnogi ymgyrchoedd gwahanol


Anghenion ieithyddol
Gwrando a Siarad - Uwch
Gallu dilyn sgwrs neu drafodaeth drwy gyfrwng y Gymraeg a’r Saesneg ar lefel broffesiynol a thrafod pynciau cyffredinol bob dydd yn y maes er mwyn cyflwyno gwybodaeth a mynegi barn.Gallu darparu cyflwyniad wedi'i baratoi o flaen llaw ac ymateb i unrhyw sylwadau a chwestiynau arno drwy gyfrwng y Gymraeg a'r Saesneg.
Darllen a Deall - Uwch
Gallu deall Cymraeg a Saesneg ysgrifenedig safonol, ffurfiol ac anffurfiol.Medru casglu gwybodaeth o amrywiol ffynonellau megis llythyrau, adroddiadau, erthyglau, drwy gyfrwng y Gymraeg a’r Saesneg er mwyn cyflawni'r swydd.
Ysgrifennu - Uwch
Cyflwyno gwybodaeth ysgrifenedig gyda hyder ar ffurf llythyr, adroddiad mwy manwl a thechnegol ac ymateb i geisiadau ysgrifenedig gan gyfleu gwybodaeth, syniadau a barn drwy gyfrwng y Gymraeg a’r Saesneg. (Mae'n bosib cael cymorth i wirio'r iaith)