Swyddog dosbarthu ymgysylltu addysgol (Siaradwr Cymraeg)

Hysbyseb Swydd

Mae Thales, mewn partneriaeth â Llywodraeth Cymru a Phrifysgol De Cymru, wedi creu Canolfan Ecsbloetio Ddigidol Genedlaethol (NDEC), i gydnabod yr angen i greu a chadw swyddi gwerth uchel yn y rhanbarth yn ogystal â ysgogi twf cynaliadwy mewn busnesau rhanbarthol. Mae’r NDEC yn gyfleuster pwrpasol yng Nglynebwy, De Cymru i ddiwallu’r angen hwn.

Bydd ffocws addysg NDEC ar weithgareddau allgymorth i godi ymwybyddiaeth o Wyddoniaeth, Technoleg, Peirianneg a Mathemateg (STEM) gan gynnwys er enghraifft Sgiliau Digidol a Seiberddiogelwch i blant ysgol, uwchsgilio athrawon a’r gweithlu lleol a darparu cyfleoedd datblygu gyrfa i fusnesau lleol.

I helpu i gefnogi ein datblygiad, rydym yn chwilio am Hyfforddwr i fod yn gyfrifol am ddatblygu a chyflwyno cyrsiau hyfforddi a deunydd yn bennaf trwy gyfrwng y Gymraeg yn unol ag agenda NDEC. Gan weithio’n agos gyda nifer o randdeiliaid gwahanol, y gymuned cwsmeriaid a phartneriaid mewnol/allanol, bydd yr ymgeisydd yn unigolyn trefnus a diwyd iawn i wneud y rôl yn llwyddiant.

Bydd ceisiadau’n cael eu hystyried ar ôl eu cyflwyno, ac rydym yn cadw’r hawl i gau’r swyddi yn gynharach os derbynnir digon o geisiadau.

Fel gweithiwr yn PDC, bydd gofyn i chi deithio rhwng ein campysau ac amrywiaeth o safleoedd addysgol ar draws De-ddwyrain Cymru, gan gynnwys Y Ganolfan Ecsbloetio Ddigidol Genedlaethol (NDEC), Glynebwy.

Am sgwrs anffurfiol am y swydd hon, cysylltwch â [email protected]

Os ydych chi’n ymgeisydd llwyddiannus a’r swydd hon fydd eich swydd gwasanaethau proffesiynol gyntaf yn y Brifysgol (neu fe’ch cyflogir gan PSS Ltd ar hyn o bryd), cewch eich cyflogi gan Professional and Support Services Limited, is-gwmni o dan berchnogaeth lwyr Prifysgol De Cymru, sy’n darparu gwasanaethau i’r Brifysgol a’r Colegau. Darganfyddwch fanteision gweithio gyda ni yn PDC: https://tinyurl.com/PSSynPDC

Mae Prifysgol De Cymru (PDC) wedi ymrwymo i ddiogelu a hyrwyddo lles plant, pobl ifanc ac oedolion agored i niwed. Disgwylir i bawb sy’n gweithio yn y Brifysgol rannu’r ymrwymiad hwn.

Rydym wedi ymrwymo i gyflogi gweithlu amrywiol a chreu amgylchedd cynhwysol lle gall cydweithwyr fod yn nhw eu hunain a phob person yn cael ei drin âg urddas, tegwch a pharch. Rydym yn annog ceisiadau o gefndiroedd a chymunedau amrywiol, yn enwedig o ran oedran, anabledd, hunaniaeth rhywedd, cyfeiriadedd rhywiol, hil a chrefydd a/neu gred. Rydym yn meincnodi ein llwyddiant trwy achrediadau cydraddoldeb gydag Athena Swan, Siarter Cydraddoldeb Hil, Stonewall a Hyderus o ran Anabledd.

Os ydych chi’n ddysgwr Cymraeg neu’n siarad Cymraeg, byddwn ni’n falch o dderbyn eich cais. Bydd gennych fynediad i gyrsiau Cymraeg i’ch galluogi i ddatblygu eich sgiliau Cymraeg ymhellach, er mwyn darparu gwasanaeth dwyieithog i’n myfyrwyr, cydweithwyr a’r cyhoedd. Rydym yn croesawu ceisiadau yn Gymraeg ac yn Saesneg. Ni fydd ceisiadau a wneir yn Gymraeg yn cael eu trin yn llai ffafriol na’r rhai a wneir yn Saesneg.

Swydd-ddisgrifiad

Pwrpas y swydd

Prif bwrpas y swydd yw datblygu a chyflwyno gweithdai ysbrydoledig, a gyflwynir mewn modd brwdfrydig ac i safon broffesiynol yn bennaf drwy gyfrwng y Gymraeg. Casglu data cyfranogwyr, archwilio a goruchwylio cyflwyniad cyfranogwyr y gweithdy er mwyn sicrhau ymgysylltiad a diogelwch.

Cyfrifoldebau Allweddol

Bydd yr Hyfforddwr (sy’n siarad Cymraeg) yn gyfrifol i Arweinydd Hyfforddiant NDEC, am gyflwyno gweithdai ar draws rhanbarth De-ddwyrain Cymru. Mae’r dyletswyddau’n cynnwys:

• Bod yn gyfrifol am drefnu, datblygu a chyflwyno gweithdai yn seiliedig ar feddwl cyfrifiadurol a’i gymwysiadau o fewn pynciau STEM eraill, yn bennaf drwy gyfrwng y Gymraeg.
• Sefydlu a chynnal cyswllt â phob ysgol a choleg i godi proffil ac annog cyfranogiad yn rhaglen NDEC.
• Rheoli a chynnal y cyswllt rheolaidd sydd ei angen â’r ysgolion a’r colegau i’w hysbysu am bynciau a fformat y gweithdai, y dosbarthiadau meistr a’r digwyddiadau sydd ar gael drwy weithrediad NDEC.
• Gweithio gydag ysgolion a cholegau lleol i bennu eu hanghenion penodol o ran gweithgareddau wedi’u teilwra, gan gynnwys gweithdai yn yr ysgol.
• Bod yn gyfrifol am baratoi a chynnal rhaglen gweithgareddau NDEC ar gyfer ysgolion a cholegau drwy gyfrwng y Gymraeg.
• Ymgysylltu ag academyddion lleol i godi proffil NDEC ac ennill cefnogaeth iddo.
• Ymgysylltu â chynrychiolwyr STEM o awdurdodau addysg lleol i godi proffil NDEC ac ennill cefnogaeth iddo.
• Ymgysylltu â’r pedwar Consortiwm Addysg Rhanbarthol a sefydliadau eraill sy’n cefnogi addysg a phobl ifanc i ddatblygu cysylltiadau cydweithredol.
• Sicrhau arfer gorau wrth reoli digwyddiadau o ran, e.e., dyrannu adnoddau; gofynion arlwyo; gweinyddiaeth; mynediad ysgol i gampws y brifysgol; a threfniadau siaradwyr.
• Rheoli a chydlynu’r holl ofynion adrodd rhanbarthol ar gyfer y rhaglen a sicrhau bod cofnodion cywir yn cael eu cadw o holl wybodaeth cyfranogwyr NDEC.
• Gweithio’n agos gydag adrannau perthnasol, i sicrhau bod yr holl wybodaeth sydd ei hangen i gefnogi gofynion archwilio’r prosiect yn cael ei chasglu a’i chynnal yn briodol.
• Mynychu digwyddiadau addysg lleol a Chymru gyfan sy’n cynrychioli NDEC ar gyfer cyfleoedd ymchwil a hyrwyddo.
• Hyrwyddo cydraddoldeb ac amrywiaeth mewn arferion gwaith a chynnal perthnasoedd gwaith cadarnhaol.
• Arwain ar wellliant parhaus perfformiad iechyd a diogelwch trwy ddealltwriaeth dda o’r proffil risg a datblygu diwylliant iechyd a diogelwch cadarnhaol.
• Unrhyw ddyletswyddau eraill yn ôl y cyfarwyddyd, o fewn diffiniad y raddfa gyflog.

Manyleb y Person

Er mwyn gallu ymgymryd â’r rôl hon yn effeithiol bydd angen y priodoleddau a’r sgiliau allweddol a amlinellir isod. Wrth gwblhau eich cais sicrhewch eich bod yn dangos sut yr ydych yn bodloni’r meini prawf hyn.

Meini Prawf Hanfodol

• Cyfathrebwr rhagorol drwy gyfrwng y Gymraeg i amrywiaeth o gynulleidfaoedd gan gynnwys plant oedran ysgol (6-13 oed).
• Sgiliau trefnu a rheoli amser rhagorol.
• Y gallu i gynllunio a chyflwyno gweithdai ar eich menter eich hun ac fel rhan o dîm.
• Gwybodaeth am bynciau STEM.
• Gwybodaeth ymarferol a dealltwriaeth o ddatblygiadau cyfredol o fewn System Addysg Cymru.
• Profiad o gyflwyno gweithdai/gwersi/hyfforddiant i amrywiaeth o gynulleidfaoedd mewn ffordd hwyliog a diddorol a thrwy gyfrwng y Gymraeg.
• Gradd neu gymhwyster tebyg mewn pwnc sy’n cynnwys canran fawr o STEM.
• Ymrwymiad a hyblygrwydd, efallai y bydd rhywfaint o ofyniad i gyflwyno y tu allan i oriau gwaith.
• Brwdfrydedd dros STEM fel pwnc a’r gallu i ysbrydoli cynulleidfaoedd trwy gyfrwng y Gymraeg a Saesneg.
• Agwedd gadarnhaol a phroffesiynoldeb.
• Parodrwydd i weithio fel rhan o dîm.
• Trwydded yrru lawn a pharodrwydd i deithio

Meini Prawf Dymunol

• Gwybodaeth am gwricwlwm STEM Cymru.
• Gallu i raglennu yn SCRATCH (gellir darparu hyfforddiant).
• Profiad o gyflwyno gweithdai/gwersi mewn STEM.
• Rhwydweithio ag academyddion prifysgol, athrawon a gweithwyr proffesiynol eraill.
• Cymhwyster Addysgu (cynllunio a chyflwyno sesiwn).

Yn ogystal, bydd angen i chi: Bod yn barod i ymgymryd â gweithgareddau gyda’r nos ac ar benwythnosau pan fo angen. Bod yn barod i deithio i ymgymryd â gweithgareddau. Ymgymryd â gwiriad DBS Manylach gyda Rhestrau Plant.

Ymrwymiad Hyderus o ran Anabledd – Cynnig o gyfweliad: Mae Professional and Support Services Limited wedi ymrwymo i gyflogi gweithlu amrywiol a chreu amgylchedd cynhwysol lle gall staff fod yn nhw eu hunain a phawb yn cael eu trin âg urddas, tegwch a pharch. Rydym yn gwarantu bod pob ymgeisydd anabl sy’n cwrdd â’r holl feini prawf allweddol ar gyfer y swydd wag y maent yn gwneud cais amdani yn cael cynnig cyfweliad.