Swyddog Asesiadau Ariannol

Disgrifiad o'r Cwmni

Dyddiad Cau: 07/10/2026

Mae Conwy wedi ymrwymo i ddiogelu. Caiff cymwysterau a geirdaon eu gwirio.

Sgiliau Iaith Gymraeg: mae’r gallu i gyfathrebu yn Gymraeg yn hanfodol ar gyfer y swydd hon. Rydym yn croesawu ceisiadau yn Gymraeg a Saesneg, ac ni fydd ffurflenni cais a dderbynnir yn y naill iaith neu’r llall yn cael eu trin yn llai ffafriol na’i gilydd.

Am drafodaeth anffurfiol am y rôl, cysylltwch â Rhian Wyn Roberts, Uwch Swyddog Asesiadau Ariannol, ar 01492 574146 neu [email protected].

Am y rôl

Ymdrin â chyfrifo a phrosesu cyfraniad asesedig cleientiaid Gofal Cymdeithasol sy’n cael gwasanaeth gyfer gofal preswyl neu amhreswyl y codir tâl amdano, yn gywir, proffesiynol ac amserol.

Prif Ddyletswyddau

• Gwirio’r holl incwm a’r cyfalaf mewn perthynas â’r defnyddwyr gwasanaeth gydag asiantaethau mewnol/allanol
• Ymgymryd ag ailasesiadau dros dro, terfynol a blynyddol
• Ymweld â defnyddwyr gwasanaeth i lenwi ffurflenni cymorth ariannol yn ôl yr angen
• Monitro cyfraniadau defnyddwyr gwasanaeth a thaliadau i ddarparwyr pan fo’r angen
• Codi cyfrifon pan fod angen ar gyfer defnyddwyr gwasanaeth neu eu cynrychiolwyr
• Ymchwilio i’r rheswm pam nad yw cyfrifon wedi’u setlo a chysylltu â’r Adain Incwm o ran adennill y cyfrifon hyn
• Cwblhau cyfrifon terfynol ar ôl marwolaeth defnyddwyr gwasanaeth i’w cyflwyno i ysgutor y stad pan fod angen
• Rhoi cyngor a phwynt cyswllt i ddefnyddwyr gwasanaeth, darparwyr ac asiantaethau mewnol/allanol
• Cofrestru buddiannau’r cyngor yn eiddo’r defnyddiwr gwasanaeth pan fod angen er mwyn diogelu unrhyw ddyled adrannol
• Darparu asesiad ariannol yn ôl y galw os yw hynny’n ymarferol
• Cynnal a chyfrannu tuag at ddarparu gwybodaeth ystadegol yn ôl y gofyn
• Cynnal a diweddaru cofnodion darparwyr preifat yn ôl yr angen
• Cynrychioli’r tîm mewn cyfarfodydd mewnol ac allanol yn ôl yr angen
• Derbyn taliadau drwy’r System Daliadau Civica

Manylion am yr Unigolyn — Hanfodol

• Safon dda o addysg, yn ddelfrydol 6 TGAU, gan gynnwys Mathemateg, Cymraeg a/neu Saesneg Iaith
• Profiad o ddelio â’r Cyhoedd
• Profiad o allu defnyddio technoleg gyfrifiadurol
• Gallu cyfathrebu’n effeithiol â phobl ar bob lefel
• Gweithio dan bwysau fel rhan o dîm ac ar eich liwt eich hun i fodloni terfynau amser
• Cymhelliant i ddarparu gwasanaeth proffesiynol o ansawdd uchel
• Mae gallu cyfathrebu yn Saesneg yn hanfodol
• Mae gallu cyfathrebu yn y Gymraeg yn hanfodol
• Gallu ymdrin â sefyllfaoedd anodd yn hyderus ac yn sensitif
• Gallu ymdrin yn gyfrinachol â’r holl wybodaeth am gleientiaid a materion dadleuol
• Argymell newid gweithdrefnau i’r Rheolwr Asesiadau Ariannol a Budd-daliadau
• Gallu teithio ledled Bwrdeistref Sirol Conwy ac i sesiynau hyfforddiant y tu allan i’r Fwrdeistref
• Defnyddio gliniadur i dderbyn a mewnbynnu gwybodaeth yn barhaus

Dymunol

• Gwybodaeth am Hawliau Lles
• Dehongli deddfwriaeth a pholisïau
• Cynghori defnyddwyr gwasanaethau ar amrywiaeth o faterion ariannol