Rheolwr Prosiectau a Rhaglenni

Rheolwr Prosiectau a Rhaglenni

Cyflog: PS4 (35-37) £47,665 – £49,817 y flwyddyn

Oriau: 37 yr wythnos

Wedi ei leoli yn un o’r lleoliadau isod: Halkyn, Conwy, Bangor, Llandrindod, Dolgellau, Aberystwyth, Newtown, gan gynnwys gweithio hybrid

Cyfle cyffrous i ymuno â thîm sefydledig o Reolwyr Prosiect a Rhaglen sy’n darparu prosiectau cyfalaf ar y rhwydwaith Cefnffyrdd ar draws Gogledd a Chanolbarth Cymru. Bydd deiliad y swydd yn gyfrifol am arwain ar reoli prosiectau gwella Priffyrdd, uwchraddio a phrosiectau cyfalaf cynnal a chadw, trwy ein cadwyni cyflenwi estynedig yn y sectorau cyhoeddus a phreifat. Mae’r swydd yn elwa o’n model gweithio hybrid gyda’r cyfle i weithio gartref.

Am sgwrs anffurfiol ynglŷn â’r swydd cysylltwch â Jill Jones ar 07554773937.

Mae’r gallu i gyfathrebu yn y Gymraeg yn ddymunol a Saesneg yn hanfodol ar gyfer y swydd hon.

Dyddiad Cau: 10.00 AM, Dydd Llun 2 Tachwedd 2026.

Nodweddion Personol – Hanfodol

• Gallu gweithio dan bwysau.
• Hunan-gymhellol ac wedi ymrwymo.
• Gallu derbyn, cymathu a gwerthuso gwybodaeth o sawl ffynhonnell.
• Rhaid i ymgeiswyr fod yn hunan-gymhellol ac yn gallu gweithio gydag ychydig iawn o oruchwyliaeth.

Cymwysterau a Hyfforddiant Perthnasol – Hanfodol

• Gradd neu gyfwerth mewn Peirianneg Sifil neu ddisgyblaeth briodol, neu HNC neu gyfwerth mewn Peirianneg Sifil neu ddisgyblaeth briodol a phrofiad perthnasol sylweddol.

Cymwysterau a Hyfforddiant Perthnasol – Dymunol

• Aelodaeth o gorff proffesiynol priodol.
• Hyfforddiant Iechyd a Diogelwch.
• Hyfforddiant rheoli.

Profiad Perthnasol – Hanfodol

• Profiad perthnasol o reoli’r gwaith o gyflawni cynlluniau gwella seilwaith.
• Profiad o gydlynu a rheoli rhaglenni gwaith.
• Profiad o weinyddu contractau a chaffael prosiectau.

Profiad Perthnasol – Dymunol

• Profiad o reoli contractau fframwaith.
• Profiad o reoli adnoddau ar lefel uwch i gyflawni rhaglenni gwaith amlddisgyblaethol.

Sgiliau a Gwybodaeth Arbenigol – Hanfodol

• Gallu trefnu blaenoriaethau gwaith, cynllunio ymlaen llaw a chyflawni rhaglenni gwaith ar amser gydag ychydig iawn o oruchwyliaeth.
• Gallu cydlynu a rheoli’r gwaith o gyflawni rhaglenni gwaith yn effeithiol drwy ddarparwyr gwasanaeth erbyn terfynau amser rhagnodedig.
• Ymgymryd â dyletswyddau mewn modd hyderus a phroffesiynol gyda’r gallu i ddangos menter a chreadigrwydd.
• Gallu derbyn, cymathu a gwerthuso gwybodaeth o sawl ffynhonnell a darparu argymhellion manwl.
• Gwybodaeth fanwl am reoli prosiectau a’r prosesau allweddol wrth gyflawni prosiectau unigol mewn amgylchedd peirianneg neu adeiladu.
• Trwydded Yrru gyfredol.

Sgiliau a Gwybodaeth Arbenigol – Dymunol

• Sgiliau rhyngbersonol da a sgiliau dadansoddi cryf a’r gallu i gynhyrchu adroddiadau manwl, ynghyd â sgiliau cyflwyno effeithiol.
• Sgiliau rheoli a dadansoddi ariannol.
• Gwybodaeth fanwl am ddeddfwriaeth, safonau a pholisïau eraill sy’n ymwneud â Rheoli Prosiectau.
• Gwybodaeth fanwl am weinyddu prosiectau adeiladu drwy ddulliau caffael modern, e.e. cyfres contractau NEC.
• Gwybodaeth o gyflawni prosiectau adeiladu gan ddefnyddio cytundebau fframwaith.

Gofynion Iaith

• Gwrando a Siarad – Mynediad: Gallu ynganu enwau lleoedd a phobl yn gywir. Gallu dilyn cyfarwyddiadau a deall sgwrs syml drwy gyfrwng y Gymraeg a’r Saesneg ar faterion cyfarwydd ac ymateb i geisiadau syml am wybodaeth.
• Darllen a Deall – Mynediad: Gallu darllen a deall llythyrau, negeseuon e-bost, taflenni ac arwyddion byr a syml yn Gymraeg a Saesneg ar faterion bob dydd cyfarwydd, er mwyn eu cyfleu i rywun arall.
• Ysgrifennu – Mynediad: Gallu ysgrifennu neges syml yn gofyn am neu’n rhoi gwybodaeth am faterion bob dydd cyfarwydd yn y gweithle.