Prentis Coedyddiaeth ACGCC

Disgrifiad o'r Cwmni

Lleoliad: Bangor, Conwy, Dolgellau neu Helygain
Ni yw'r tîm sy'n gyfrifol am reoli, arolygu, cynnal a chadw a gwella dros 1,000 cilomedr o ffyrdd yng ngogledd a chanolbarth Cymru, gan gynnwys twneli'r A55, dros 2,000 o strwythurau ffyrdd a llawer o asedau eraill. Ein gwaith ni yw cadw'r rhwydwaith ffyrdd i symud, 24 awr y dydd, 365 diwrnod y flwyddyn.
Mae hynny'n llawer o ffyrdd. Ond nid dyna'r unig beth a wnawn, rydym hefyd yn diogelu cynefinoedd naturiol ar ochr y ffordd ac yn lleihau effaith amgylcheddol gweithgareddau ar hyd y rhwydwaith ffyrdd. Rydym yn brysur yn cynllunio, plannu a gwarchod y tir i wneud yn siŵr bod pob taith yn wyrddach ac yn llawn bywyd gwyllt hapus.
Mae rheoli'r rhwydwaith ffyrdd o ddydd i ddydd yn waith mawr, felly y tu ôl i'n timau rheng flaen mae tîm mwy y tu ôl i'r llenni sy'n darparu cefnogaeth mewn ffyrdd sy'n hanfodol ond nad ydynt bob amser yn weladwy i'r cyhoedd.
Bydd y prentis yn derbyn cyflog sy’n unol â’r Isafswm Cyflog Cenedlaethol
Gwnewch y dewis doeth, dewiswch brentisiaeth yng Nghyngor Gwynedd
Wyt ti wedi ystyried gyrfa yn y maes yma?
Er mwyn bod yn llwyddiannus yn y brentisiaeth hon, rydym yn chwilio am unigolyn brwdfrydig sy’n barod i ddysgu. Rydym hefyd yn chwilio am unigolyn sy’n gallu cyfathrebu gyda hyder, gweithio’n rhan o dîm, a dangos eu potensial i lwyddo fel prentis. 
Dim ond dechrau'r daith yw dilyn prentisiaeth, achos fe all arwain at nifer o lwybrau gyrfa cyffrous. Felly peidiwch â cholli’r cyfle - ymgeisiwch heddiw! 
DYDDIAD CAU: 12:00yp, DYDD GWENER 29AIN o Fai 2026
Cofiwch ddilyn y canllawiau yn y PECYN GWYBODAETH wrth gwblhau’r ffurflen gais.
Os byddwch yn cael eich dewis i fod ar y rhestr fer, byddwn yn eich ffonio.
Cynnal cyfweliadau ar 22/06 a 24/06.
Os oes gennych chi unrhyw gwestiynau e-bostiwch [email protected]    
Am ragor o wybodaeth - https://www.gwynedd.llyw.cymru/apprenticeships 
Dyma ddolen i Brosbectws Swyddi 2026, lle gallwch ddod o hyd i ragor o wybodaeth am y swyddi a’r canllawiau ar gyfer gwneud cais.
Mae Cyngor Gwynedd yn gweithredu’n fewnol trwy gyfrwng y Gymraeg ac yn cynnig ei holl wasanaethau yn ddwyieithog. Bydd angen i’r ymgeisydd gyrraedd y lefel ieithyddol sy’n cael ei nodi fel un o’r sgiliau hanfodol yn y Manylion Person.
Rydym yn annog pob ymgeisydd am swydd gyda’r Cyngor i gyflwyno ceisiadau yn Gymraeg neu yn ddwyieithog. (Bydd ceisiadau sydd yn cael eu cyflwyno yn uniaith Gymraeg neu Saesneg yn cael eu trin yn gwbl gyfartal, ond gofynnir i’r ymgeisydd ystyried yn ofalus beth yw gofynion iaith y swydd a’r sefydliad ac a fyddai cyflwyno cais yn uniaith Gymraeg yn fwy addas.)
Am fanylion pellach gellir cysylltu â Lisa Thomas ar 01286679094
Ffurflenni cais ar gael gan Gwasanaeth Cefnogol, Cyngor Gwynedd, Swyddfa'r Cyngor, Stryd y Jêl, Caernarfon, LL55 1SH
Ffôn: 01286 679076
E-Bost: [email protected]

____________________________________________________________________

​