Paralegal

Disgrifiad o'r Cwmni

Dyddiad Cau: 01/10/2026

Mae Conwy wedi ymrwymo i ddiogelu. Caiff cymwysterau a geirdaon eu gwirio.

Sgiliau Iaith Gymraeg: mae’r gallu i gyfathrebu yn Gymraeg yn ddymunol ar gyfer y swydd hon. Rydym yn croesawu ceisiadau yn Gymraeg a Saesneg, ac ni fydd ffurflenni cais a dderbynnir yn y naill iaith neu’r llall yn cael eu trin yn llai ffafriol na’i gilydd.

Am drafodaeth anffurfiol am y rôl, cysylltwch â Ceri Williams, Rheolwr Gwasanaethau Cyfreithiol, ar 01492 576111 neu [email protected].

Am y rôl

Cynorthwyo staff eraill yn yr Adain Gyfreithiol gydag ystod lawn o ddyletswyddau cyfreithiol gan gynnwys gwaith ar gyfer cleientiaid allanol a chleientiaid mewnol.

Prif Ddyletswyddau

• Cynorthwyo gyda pharatoi a chynnal ymgyfreitha sifil a throseddol a mynychu’r Llys gyda Cyfreithwyr
• Cynorthwyo gyda pharatoi a chynnal ystod lawn o achosion gofal plant gan gynnwys achosion gofal, maethu a mabwysiadu
• Cynorthwyo gyda pharatoi rhybuddion a gorchmynion statudol o dan amrywiaeth o gyfreithiau, e.e. mewn perthynas â phriffyrdd, addysg ac ati
• Cynorthwyo gyda pharatoi contractau a chytundebau
• Cynorthwyo gyda throsglwyddo rhydd-ddaliadau a phrydlesi a materion Cynllunio Gwlad a Thref
• Cynorthwyo gyda’r gwaith sy’n ymwneud â gofal cymdeithasol oedolion, gan gynnwys Diogelu Oedolion Diamddiffyn, Deddf Iechyd Meddwl 1983 a Deddf Galluedd Meddwl 2005
• Ymgymryd âg ymchwil cyfreithiol yn ôl yr angen
• Ymgymryd âg unrhyw ddyletswyddau eraill sy’n gymesur â’r rheiny a nodwyd uchod ac sy’n briodol i deitl a gradd y swydd

Manylion am yr Unigolyn — Hanfodol

• Profiad gwaith cyfreithiol diweddar neu flaenorol a/neu gymhwyster yn y gyfraith (neu’n gweithio tuag at gyflawni cymhwyster cyfreithiol)
• Sgiliau TG rhagorol gan gynnwys Word, Excel a Powerpoint
• Sgiliau cymryd cofnodion
• Sgiliau cyfathrebu a gwrando rhagorol gyda’r gallu i berthnasu â staff ar bob lefel o fewn yr awdurdod yn ogystal ag asiantaethau eraill a’r cyhoedd
• Mae gallu cyfathrebu yn Saesneg yn hanfodol
• Brwdfrydedd, ymrwymiad a chymhelliant cyffredinol gydag agwedd hyblyg tuag at faterion gwaith a newidiadau fel maent yn codi o fewn adain Gyfreithiol ddeinamig
• Gallu gweithio dan bwysau, blaenoriaethu tasgau, a chydweithio’n effeithiol o fewn tîm ac yn annibynnol
• Gallu delio â materion sensitif
• Sgiliau trefnu rhagorol gyda’r gallu i reoli eich llwyth gwaith eich hun
• Gallu gweithredu ar gyfarwyddiadau oddi wrth gyfreithwyr/cymhorthwyr cyfreithiol yn y tîm, o fewn deddfwriaethau cyfredol a pholisïau a luniwyd gan Gyngor Bwrdeistref Sirol Conwy
• Gallu gwneud gwaith ymchwil cyfreithiol, cadw taenlenni a gwirio datganiadau tystion
• Dealltwriaeth o’r angen am gyfrinachedd bob amser
• Ymrwymiad i ddarparu gwasanaeth o safon uchel
• Gallu bod yn rhagweithiol wrth wneud penderfyniadau yn ystod cyfarfodydd tîm i ddatblygu a gwella arferion gwaith
• Gallu cynllunio, rhaglennu a darparu gwaith yn unol â therfynau amser caeth, ar adegau heb oruchwyliaeth uniongyrchol

Dymunol

• Gradd yn y gyfraith neu gyffelyb
• Mae gallu cyfathrebu yn Gymraeg ar lefel 1 yn ddymunol
• Gallu teithio ledled y Fwrdeistref Sirol