Hyfforddai Proffesiynol Cynllunio

Disgrifiad o'r Cwmni

MEDDWL. MENTRO. MWYNHAU.
Wyt ti wedi ystyried gyrfa ym maes marchnata?
Mae Cynllun Yfory (cynllun graddedigion cyngor Gwynedd) yn gyfle unigryw i unrhyw un sydd â gradd 2:2 neu gyfwerth ddatblygu gyrfa yng Nghyngor Gwynedd.
Mae’n gyfle i ti ddatblygu arbenigedd mewn maes allweddol a deall mwy am weithio mewn llywodraeth leol. Mi fyddi di yn derbyn profiadau ymarferol a chyfleoedd i ddatblygu dy sgiliau arbenigol a phersonol i sicrhau gyrfa hir a llwyddiannus yma.

Pwrpas y Swydd.
Derbyn profiadau a chefnogaeth yn y gweithle i gwblhau cymhwyster uwch a datblygu i fod yn arweinydd ac yn arbenigwr yn y maes.
Cefnogi’r Adran i gyfathrebu, marchnata a chreu cynnwys digidol effeithiol sy’n hyrwyddo ei gwasanaethau, prosiectau a lleoliadau allweddol ar draws Gwynedd.
Prif Ddyletswyddau.
Mae Adran Economi Gwynedd yn gweithio i gryfhau economi’r sir drwy gefnogi busnesau, datblygu cymunedau, hyrwyddo twristiaeth gynaliadwy a chreu cyfleoedd gwaith o ansawdd i drigolion.
Mae’r rôl yn canolbwyntio ar greu a chyflwyno cynnwys digidol ac ymgyrchoedd cyfathrebu i hyrwyddo gwaith amrywiol yr Adran Economi, gan gynnwys cynhyrchu fideos, erthyglau a deunydd ar gyfer cyfryngau cymdeithasol a gwefannau’r Cyngor.
Prif ddyletswyddau y rôl fydd i:
Cefnogi gwasanaethau amrywiol yr Adran gan gynnwys Datblygu Economaidd, Cefnogi Busnes, Adfywio Cymunedol, Twristiaeth a Marchnata, Morwrol, Parciau Gwledig, Amgueddfeydd, Celfyddydau, Archifau a Llyfrgelloedd.
Gweithio ar draws sawl lleoliad ac ased allweddol fel Parc Padarn, Parc Glynllifon, Llyfrgelloedd Gwynedd, STORIEL, Amgueddfa Lloyd George, harbwr Pwllheli a thraethau’r sir.
Cefnogi gofynion cyfathrebu, ymgysylltu a marchnata’r gwasanaethau mewn amgylchedd gwaith amrywiol a deinamig.
Datblygu sgiliau rheoli prosiectau, blaenoriaethu llwyth gwaith ac arwain eraill i gyflawni amcanion.
Creu a chyflwyno cynlluniau cyfathrebu strategol, marchnata a chynlluniau ar gyfer datblygiadau a phrosiectau.
Datblygu a defnyddio technegau marchnata digidol cyfoes wrth ymateb i dueddiadau a thechnolegau newydd.
Rheoli ac ddefnyddio adnoddau creadigol gan gynnwys offer cynhyrchu cynnwys digidol fel lluniau a fideos.
Dilyn polisïau’r Cyngor o ran iechyd a diogelwch, cydraddoldeb, diogelu data a lleihau carbon.
 

DYDDIAD CAU: 12:00yp, DYDD GWENER 29AIN o Fai 2026
Cofiwch ddilyn y canllawiau yn y PECYN GWYBODAETH wrth gwblhau’r ffurflen gais.
Os oes gennych chi unrhyw gwestiynau e-bostiwch [email protected] neu cysylltwch hefo Lisa Thomas ar 01286679094
Am ragor o wybodaeth - Cynllun Yfory
Dyma ddolen i Brosbectws Swyddi 2026, lle gallwch ddod o hyd i ragor o wybodaeth am y swyddi a’r canllawiau ar gyfer gwneud cais.