Hyfforddai Proffesiynol Iechyd, Diogelwch a Llesiant

Disgrifiad o'r Cwmni

Lleoliad: Caernarfon
MEDDWL. MENTRO. MWYNHAU.
Wyt ti wedi ystyried gyrfa yn y maes yma?
Mae Cynllun Yfory (cynllun graddedigion cyngor Gwynedd) yn gyfle unigryw i unrhyw un sydd â gradd 2:2 neu gyfwerth ddatblygu gyrfa yng Nghyngor Gwynedd.
Mae’n gyfle i ti ddatblygu arbenigedd mewn maes allweddol a deall mwy am weithio mewn llywodraeth leol. Mi fyddi di yn derbyn profiadau ymarferol a chyfleoedd i ddatblygu dy sgiliau arbenigol a phersonol i sicrhau gyrfa hir a llwyddiannus yma.
DYDDIAD CAU: 12:00yp, DYDD GWENER 28/08/2026
Cofiwch ddilyn y canllawiau yn y PECYN GWYBODAETH wrth gwblhau’r ffurflen gais.
Os byddwch yn cael eich dewis i fod ar y rhestr fer, byddwn yn eich ffonio.
Cynhelir cyfweliadau ar 15/09/2026

______________________________________________________________-

NODWEDDION PERSONOL
HANFODOL
Sgiliau rhyng-bersonol da gyda’r gallu i ddylanwadu a dwyn perswad.
Agwedd diplomatig a chydsyniol tuag at ddatrys problemau.
Gweithio’n hyblyg o fewn fframwaith tim
Ymrwymiad i lwyddo ac adnabod cyfleon i wella gwasanaeth 
Y gallu i weithio dan bwysau ac yn arddangos blaengaredd/ “gweld gwaith” 
Trwydded Yrru.
Gwiriad DBS – bydd y Cyngor yn gyfrifol am wneud y gwiriad yma ar yr ymgeisydd llwyddiannus.
DYMUNOL
-
CYMWYSTERAU  A HYFFORDDIANT PERTHNASOL
HANFODOL
Graddedig neu gyda chymhwyster cyfatebol
Yn fodlon ymgymryd â chymwysterau addas megis y Dystysgrif Cyffredinol Cenedlaethol NEBOSH a Diploma Cenedlaethol NEBOSH
DYMUNOL
-
PROFIAD PERTHNASOL
HANFODOL
Diddordeb mewn gweithio yn y maes iechyd, diogelwch, neu lesiant
Profiadau yn ymwneud â iechyd, diogelwch, neu lesiant yn y gwaith, wrth gwblhau cymwhyster neu mewn bywyd personol
DYMUNOL
-
SGILIAU A GWYBODAETH ARBENIGOL 
HANFODOL
Gwybodaeth o’r datblygiadau diweddaraf ym maes iechyd a diogelwch.
Dealltwriaeth o systemau a threfniadau rheoli iechyd a diogelwch.
DYMUNOL
Gallu i ddefnyddio cyfrifiadur ynghyd a gwybodaeth am becynnau Microsoft Office e.e. Word, Excel, Powerpoint
Sgiliau rheoli prosiect.
ANGHENION IEITHYDDOL
Gwrando a Siarad - Lefel Uwch
Gallu dilyn sgwrs neu drafodaeth drwy gyfrwng y Gymraeg a’r Saesneg  ar lefel broffesiynol a thrafod pynciau cyffredinol bob dydd yn y maes er mwyn cyflwyno gwybodaeth a mynegi barn.  Gallu darparu cyflwyniad wedi'i baratoi o flaen llaw ac ymateb i unrhyw sylwadau a chwestiynau arno drwy gyfrwng y Gymraeg a’r Saesneg.
Darllen a Deall - Lefel Uwch
Gallu deall Cymraeg a Saesneg ysgrifenedig safonol, ffurfiol ac anffurfiol. Medru casglu gwybodaeth o amrywiol ffynonellau megis llythyrau, adroddiadau, erthyglau, drwy gyfrwng y Gymraeg a’r Saesneg er mwyn cyflawni'r swydd.
Ysgrifennu - Lefel Uwch
Cyflwyno gwybodaeth ysgrifenedig gyda hyder ar ffurf llythyr, adroddiad mwy manwl a thechnegol ac ymateb i geisiadau ysgrifenedig gan gyfleu gwybodaeth, syniadau a barn drwy gyfrwng y Gymraeg a’r Saesneg. (Mae'n bosib cael cymorth i wirio'r iaith).