Hyfforddai Proffesiynol Cynllunio

Disgrifiad o'r Cwmni

MEDDWL. MENTRO. MWYNHAU.
Wyt ti wedi ystyried gyrfa ym maes cynllunio?
Mae Cynllun Yfory (cynllun graddedigion cyngor Gwynedd) yn gyfle unigryw i unrhyw un sydd â gradd 2:2 neu gyfwerth ddatblygu gyrfa yng Nghyngor Gwynedd.
Mae’n gyfle i ti ddatblygu arbenigedd mewn maes allweddol a deall mwy am weithio mewn llywodraeth leol. Mi fyddi di yn derbyn profiadau ymarferol a chyfleoedd i ddatblygu dy sgiliau arbenigol a phersonol i sicrhau gyrfa hir a llwyddiannus yma.

Pwrpas y Swydd.
Derbyn profiadau a chefnogaeth yn y gweithle i gwblhau cymhwyster uwch a datblygu i fod yn arweinydd ac yn arbenigwr yn y maes.
Mae’r Adran Amgylchedd yn darparu gwasanaethau rheng flaen allweddol i bobl Gwynedd, gan gynnwys cyfrifoldebau cynllunio megis rheoli datblygu a pholisi cynllunio o fewn ardal Awdurdod Cynllunio Gwynedd.
Prif Ddyletswyddau.
Darparu cymorth ymarferol a phroffesiynol ar draws holl feysydd cynllunio, gan gynnwys prosesu ceisiadau, ymchwilio i orfodaeth a chyfrannu at bolisi strategol.
Mae’r rôl Hyfforddai Proffesiynol Cynllunio yn cynnig profiad ymarferol eang mewn rheoli datblygu, gorfodaeth a pholisi cynllunio, gan gefnogi gwaith ceisiadau, ymchwil a phrosiectau strategol fel rhan o dîm cynllunio Gwynedd.
Prif ddyletswyddau y rôl fydd i:
Cynorthwyo gyda dyletswyddau rheolaeth datblygu a chydymffurfiaeth, gan gynnwys prosesu ceisiadau a pharatoi adroddiadau.
Cefnogi cyflwyno adroddiadau mewn pwyllgorau, ymweliadau safle a chyfarfodydd perthnasol.
Paratoi datganiadau ac adroddiadau ar gyfer apeliadau a chynrychioli’r Awdurdod fel tyst proffesiynol.
Archwilio achosion o dorri rheolau cynllunio a chyfrannu at achosion ac apeliadau gorfodaeth.
Darparu cyngor proffesiynol i ddatblygwyr, y cyhoedd ac Aelodau Lleol ar faterion cynllunio.
Cefnogi gwaith polisi cynllunio, gan gynnwys paratoi’r Cynllun Datblygu Lleol, canllawiau atodol a dogfennau strategol.
Cydweithio ar brosiectau strategol a gwaith ymchwil sy’n flaenoriaeth i’r Cyngor, a chynrychioli Gwynedd mewn cyfarfodydd allanol.
Dilyn polisïau’r Cyngor o ran iechyd a diogelwch, cydraddoldeb, diogelu data a lleihau carbon.

DYDDIAD CAU: 12:00yp, DYDD GWENER 29AIN o Fai 2026
Cofiwch ddilyn y canllawiau yn y PECYN GWYBODAETH wrth gwblhau’r ffurflen gais.
Os oes gennych chi unrhyw gwestiynau e-bostiwch [email protected] neu cysylltwch hefo Lisa Thomas ar 01286679094
Am ragor o wybodaeth - Cynllun Yfory
Dyma ddolen i Brosbectws Swyddi 2026, lle gallwch ddod o hyd i ragor o wybodaeth am y swyddi a’r canllawiau ar gyfer gwneud cais.