Hyfforddai Proffesiynol Coedyddiaeth NMWTRA

Disgrifiad o'r Cwmni

MEDDWL. MENTRO. MWYNHAU.
Wyt ti wedi ystyried gyrfa ym maes coedyddiaeth?
Mae Cynllun Yfory (cynllun graddedigion cyngor Gwynedd) yn gyfle unigryw i unrhyw un sydd â gradd 2:2 neu gyfwerth ddatblygu gyrfa yng Nghyngor Gwynedd.
Mae’n gyfle i ti ddatblygu arbenigedd mewn maes allweddol a deall mwy am weithio mewn llywodraeth leol. Mi fyddi di yn derbyn profiadau ymarferol a chyfleoedd i ddatblygu dy sgiliau arbenigol a phersonol i sicrhau gyrfa hir a llwyddiannus yma.

Pwrpas y Swydd.
Derbyn profiadau a chefnogaeth yn y gweithle i gwblhau cymhwyster uwch a datblygu i fod yn arweinydd ac yn arbenigwr yn y maes.
Bydd y gwasanaeth yn darparu arbenigedd coedyddiaeth dechnegol i sicrhau bod gwarchod coed yn cael ei ymgorffori’n gyson ar draws gwaith yr Asiant.

Prif Ddyletswyddau.
Mae NMWTRA yn rheoli ac yn gwella’r priffyrdd A strategol ar ran Llywodraeth Cymru, gan sicrhau bod diogelwch, amgylchedd a choedyddiaeth yn cael eu hintegreiddio i bob agwedd o’r gwaith.
Bydd y rôl Hyfforddai Proffesiynol Coedyddiaeth yn cynnwys datblygu a chynnal prosesau a systemau sy’n sicrhau bod materion coedyddiaeth dechnegol a gwarchod coed yn cael eu hintegreiddio’n effeithiol ar draws holl waith yr Asiant.
Prif ddyletswyddau y rôl fydd i:
Datblygu a chynnal systemau a phrosesau i sicrhau bod coedyddiaeth a gwarchod coed yn cael eu hystyried ym mhob ffrwd waith.
Cynnal a goruchwylio arolygon, adroddiadau a gwaith coed technegol i safonau BS5837 a BS3998 ar draws timau amrywiol.
Rheoli cyllidebau sy’n ymwneud â materion coedyddiaeth dechnegol ar y Rhwydwaith Ffyrdd Strategol.
Cydweithio â thimau mewnol ac â Llywodraeth Cymru ar faterion coedyddiaeth a gwarchod coed.
Cynorthwyo gydag arolygiadau diogelwch coed pan fo angen.
Rheoli a defnyddio offer amgylcheddol arbenigol megis PICUS, residrill ac offer arolygu eraill.
Treulio amser yn unedau eraill yr Asiant i ddeall gweithrediadau ehangach y sefydliad.
Dilyn polisïau’r Cyngor o ran iechyd a diogelwch, cydraddoldeb, diogelu data a lleihau carbon.
 

DYDDIAD CAU: 12:00yp, DYDD GWENER 29AIN o Fai 2026
Cofiwch ddilyn y canllawiau yn y PECYN GWYBODAETH wrth gwblhau’r ffurflen gais.
Os oes gennych chi unrhyw gwestiynau e-bostiwch [email protected] neu cysylltwch hefo Lisa Thomas ar 01286679094
Am ragor o wybodaeth - Cynllun Yfory
Dyma ddolen i Brosbectws Swyddi 2026, lle gallwch ddod o hyd i ragor o wybodaeth am y swyddi a’r canllawiau ar gyfer gwneud cais.