Cynorthwyydd Recriwtio ac Ymgysylltu â Gradd

Disgrifiad o'r Cwmni

Angerddol am ymchwil a’r cyfryngau? Siaradwr Cymraeg rhugl?

Ydych? Os felly, gallai ein rôl Recriwtio ac Ymgysylltu i Siaradwr Cymraeg fod yn berffaith i chi.

Yma yn TRP Research rydyn ni’n creu prosiectau ymchwil sydd wedi’u cynllunio i fesur y ffordd y mae pobl yn defnyddio’r cyfryngau, eu hagweddau tuag atynt a’u hymddygiad, ac yn rhedeg y prosiectau hynny. Mae defnyddio’r cyfryngau yn cynnwys teledu, ffrydio a radio, yn ogystal â’r cyfryngau cymdeithasol. Mae’r data a gesglir yn cael eu defnyddio gennym i helpu ein cleientiaid, gan gynnwys darlledwyr a chrewyr sioeau teledu, i wneud penderfyniadau strategol a thactegol sy’n seiliedig ar dystiolaeth am y cyfryngau maen nhw’n eu cyflwyno i wylwyr. Rydyn ni’n rhedeg sawl panel defnyddwyr gan gynnwys trpsurveys.com, surveypraeg.com, panelcyfryngau.cymru, a mediaopinionsireland.ie.

Cyflog – £24,570 y flwyddyn

Lleoliad – Hybrid, gyda’r gofyniad i fynd i gyfarfodydd tîm a chael hyfforddiant personol achlysurol yn ein swyddfa yn Taunton

Math o swydd – Parhaol, llawn-amser (37.5 awr yr wythnos)

Dyddiad dechrau – Cyn gynted â phosibl

Fel Cynorthwyydd Ymchwil Recriwtio ac Ymgysylltu, byddwch yn gweithio ochr yn ochr â thîm bach o gydweithwyr i recriwtio paneli sy’n cynrychioli’r ddemograffeg, a’u cadw.

Yn benodol, byddwch yn gyfrifol am:

• Weithio gyda’r tîm i weithredu strategaethau recriwtio – e.e. gweithio gyda dylanwadwyr ar-lein, hysbysebu, a meithrin perthnasoedd ag elusennau a grwpiau
  
• Dylunio cyfryngau creadigol i’w defnyddio ar gyfer recriwtio ac ymgysylltu a chyfathrebu ag aelodau ein paneli
  
• Dadansoddi data o ymatebion i greu syniadau a rhedeg ymgyrchoedd i ymgysylltu ag aelodau’r paneli a recriwtio aelodau newydd
  
• Deunyddiau cyfathrebu ar gyfer aelodau o’r paneli, gan gynnwys ymateb i ymholiadau i fewnflwch arolygon a negeseuon sydyn ac uniongyrchol ar y cyfryngau cymdeithasol, yn Gymraeg ac yn Saesneg
  
• Bydd ein Cynllun Hyfforddi a Datblygu mewnol yn eich cefnogi ar eich taith gyda TRP. Mae aelodau presennol y tîm wedi datblygu o swyddi tebyg i swyddi uwch o fewn TRP.
  

Sgiliau a Phrofiad

Rydyn ni’n chwilio am rywun sydd:

Hanfodol

• Yn rhugl yn y Gymraeg a’r Saesneg (yn ysgrifenedig ac ar lafar)
  
• Yn gyfathrebwr effeithiol sy’n gallu teilwra’r cyfathrebu maen nhw’n eu cynhyrchu i gynulleidfaoedd gwahanol a demograffeg wahanol
  
• Â’r gallu i weld "y tu hwnt i’r rhifau" i adnabod tueddiadau a phatrymau, ac ychwanegu ystyr a mewnwelediad at y data
  
• Â gwybodaeth weithiol dda am y pecyn Microsoft Office, yn enwedig Word ac Excel
  
• Profiad o weithio o fewn fframweithiau cydymffurfio – e.e. GDPR, Cynlluniau Iaith Gymraeg

Dymunol

• Yn gyfarwydd â photoshop, Canva neu debyg
  
• Yn gyfarwydd ag ymgysylltu trwy adnoddau cyfryngau (e.e. Meta, Spotify)
  
• Cymhwyster ar lefel gradd, neu gywerth, mewn maes cysylltiedig sydd wedi eich galluogi i hogi eich sgiliau cyfathrebu a dadansoddi

Nodweddion

Rydyn ni’n chwilio am rywun sydd:

• Yn gymdeithasol, yn hawdd mynd ato/ati ac yn frwdfrydig
  
• Yn gyfathrebwr hyderus, clir ac yn ennyn diddordeb
  
• Yn greadigol, ac yn wych am feddwl am syniadau y gallant eu trosi yn gynnwys effeithiol a difyr
  
• Yn drefnus ac yn gallu gweithio’n annibynnol yn ogystal â gweithio fel aelod o dîm
  
• Yn gallu addasu ac yn gallu rheoli eu hamser yn dda, hyd yn oed pan fydd blaenoriaethau yn newid
  
• Yn gallu dilyn cyfarwyddiadau clir a gweithio ar eu menter eu hun pan fo angen
  
• Yn awyddus i ddatblygu

Pam TRP Research?

Bydd ein Cynllun Datblygu mewnol yn helpu i lunio datblygiad eich gyrfa o fewn TRP Research ac yn rhoi llwybr wedi’i deilwra i chi tuag at ddilyniant.

Bydd gennych hawl i 22.5 diwrnod o wyliau ynghyd â gwyliau banc y DU, a bydd hyn yn cynyddu i uchafswm o 27.5 diwrnod gyda phob blwyddyn o wasanaeth. Rydyn ni hefyd yn cynnig hyblygrwydd gyda gwyliau, ac yn eich galluogi i gario gwyliau o un flwyddyn ariannol i’r nesaf a phrynu hyd at 10 diwrnod ychwanegol o wyliau.

Yn ogystal â’ch hawl statudol i absenoldeb teuluol, rydyn ni’n cynnig 6 wythnos o wyliau â thâl i rieni ar 70% o’u cyflog wythnosol cyfartalog.

Wedi cwblhau cyfnod prawf o 3 mis, o leiaf, yn llwyddiannus, bydd gennych hawl hefyd i ymuno â’n cynllun Gofal Iechyd Preifat sy’n cynnwys yswiriant teithio a phrofion llygaid am ddim, a lwfans arian-yn-ôl i’ch helpu i dalu am sbectol, lensys a thriniaeth ddeintyddol.

Mae ein cynlluniau Prynu Beiciau a Thechnoleg yn caniatáu ichi brynu cynhyrchion trwy aberthu cyflog mewn ffordd sy’n effeithlon o ran treth, dros gyfnod o ddeuddeg mis. Mae Rhoi trwy’r Gyflogres yn caniatáu ichi wneud rhoddion elusennol.

Rydyn ni’n cydnabod efallai y byddai’n well gennych rannu’ch wythnos waith rhwng ein swyddfeydd a’ch cartref, ac yn annog pawb i drafod yr hyn fyddai orau ganddyn nhw, gyda’u rheolwr

Sut i wneud cais

I wneud cais, lawrlwythwch ffurflen gais o dan ac anfonwch eich ffurflen wedi’i chwblhau yn Saesneg trwy e-bost i [email protected]

Ochr yn ochr â’ch ffurflen gais, anfonwch lythyr yn Gymraeg hefyd yn esbonio pam mae’r rôl hon o ddiddordeb i chi. Dylai hyn gynnwys y wybodaeth yr ydych yn ei rhoi yn Saesneg yn adran gwybodaeth ategol eich ffurflen gais.

Mae TRP Research Ltd yn gyflogwr cyfle cyfartal.