Cydlynydd Trafnidiaeth Ffyrdd

Disgrifiad o'r Cwmni

Sylwch: contract am gyfnod penodol o 6 neu 18 yw hwn

Y Swydd

Darparu cymorth cydlynu ar gyfer Gwasanaethau Bysiau yn lle Trenau (RRS) mewn lleoliadau gweithredu, gan amharu cyn lleied â phosibl ar deithwyr wrth iddynt symud o ddulliau trafnidiaeth. Monitro’r holl elfennau gweithredol i sicrhau eu bod yn rhedeg yn esmwyth a pharhau i gyfathrebu â staff rheoli’r Gwasanaethau Bysiau yn lle Trenau i sicrhau eu bod yn cael gwybod am yr holl wybodaeth berthnasol.

Darparu gwasanaeth rhagorol i gwsmeriaid yn ystod gweithrediadau’r Gwasanaethau Bysiau yn lle Trenau. Sicrhau cyfathrebu effeithiol a rhagweithiol gyda theithwyr i’w cefnogi i orffen y daith.

Cyfrifoldebau’r swydd

• Cynrychioli Trafnidiaeth Cymru (TrC) mewn modd cadarnhaol, proffesiynol ac agos-atoch bob amser.
• Darparu gwasanaeth rhagorol i gwsmeriaid drwy gynorthwyo teithwyr a darparu gwybodaeth gywir a chyfredol am deithio drwy gyhoeddiadau clir ynghylch diweddariadau i wasanaethau, amseroedd gadael a phatrymau galw yn ôl yr angen. Datblygu gwybodaeth ymarferol dda am rwydwaith TrC a daearyddiaeth leol i helpu teithwyr yn effeithiol.
• Goruchwylio a chydlynu’r gwaith o symud bysiau a bysiau moethus a ddefnyddir yn lle trenau yn ddiogel ac yn amserol mewn lleoliadau dynodedig drwy gyfleu diweddariadau amser real, oedi, neu newidiadau i reolaeth, timau gorsafoedd, a phartïon perthnasol eraill yn gyflym ac yn glir.
• Hyrwyddo diogelwch drwy sicrhau bod yr holl gamau gweithredu a phenderfyniadau yn cyd-fynd â phrotocolau a safonau diogelwch TrC.

Am beth rydyn ni’n chwilio

• Sgiliau cadarn o ran gwasanaeth cwsmeriaid a chyfathrebu
• Sylw gwych i fanylion er mwyn sicrhau gwasanaeth cywir
• Sgiliau cadarn o ran gwneud penderfyniadau
• Dull systematig o weithio

Sgiliau Cymraeg

Er nad yw sgiliau Cymraeg yn hanfodol ar gyfer y swydd hon, byddent yn ychwanegiad gwych at eich cais.

Mae TrC yn cefnogi unrhyw un sydd eisiau dysgu Cymraeg neu wella ei sgiliau. Rydyn ni’n cynnig cyfleoedd dysgu ar-lein, cyrsiau ystafell ddosbarth, a chyllid i fynd ar gyrsiau yn y gymuned leol.

Cyfle Cyfartal

Rydyn ni’n newid y ffordd y mae’r diwydiant trafnidiaeth yn edrych. Drwy ddathlu a chroesawu gwahaniaethau, rydyn ni’n datblygu gweithlu sy’n cynrychioli Cymru. Mae angen i ni gael pobl ddawnus o bob cefndir a diwylliant i ddod i rannu eu safbwyntiau a’u profiadau. Mae timau amrywiol yn gwneud penderfyniadau gwell ac yn sbarduno arloesedd. Ymunwch â ni i drawsnewid y ffordd y mae Cymru’n teithio."

Pwy ydyn ni 

Mae Trafnidiaeth Cymru yn newid y ffordd y mae Cymru’n teithio, gan sicrhau mai trafnidiaeth gynaliadwy yw’r dewis cyntaf. Rydyn ni’n datblygu rhwydwaith trafnidiaeth integredig aml-ddull o’r enw Rhwydwaith T, i’w gwneud hi’n haws i bobl deithio ar y trên, ar y bws, ar droed, ar olwynion ac ar feic.

Y camau nesaf

Edrychwch ar y Disgrifiad Swydd yn yr atodiad i gael rhagor o fanylion ac i gael gwybod sut mae gwneud cais. Os ydych chi’n awyddus i gael gwybod mwy am ein gwaith yng Nghymru, darllenwch yr Adroddiad Blynyddol.

Rydyn ni’n Arweinydd Hyderus o ran Anabledd. Rhowch wybod i ni am unrhyw addasiadau rhesymol y gallai fod eu hangen arnoch yn y broses recriwtio neu fel rhan o’r swydd os byddwch chi’n llwyddiannus.

Bydd yr hysbyseb hon yn cau am 23:59 ar y dyddiad cau uchod. Fodd bynnag, rydyn ni’n cadw’r hawl i wrthod derbyn mwy o geisiadau ar gyfer y swydd wag os bydd digon wedi dod i law. Felly, cyflwynwch eich cais cyn gynted â phosibl. #LI-MS1