Trafnidiaeth Cymru
Trafnidiaeth
Traws-Cymru
Gwaith Trafnidiaeth Cymru yw gwireddu gweledigaeth Llywodraeth Cymru o rwydwaith trafnidiaeth diogel, integredig, fforddiadwy a hygyrch o safon uchel y mae pobl Cymru’n ymfalchïo ynddo.
- Un ydym ni
Un rhwydwaith, un tocyn, un amserlen, un tîm. Rydyn ni’n sefydliad cydgysylltiedig sydd ag un ymrwymiad ar y cyd: i wneud teithio mor syml â phosibl, i bawb, sut bynnag maen nhw’n dewis teithio. - Ry’n ni’n gwneud y peth iawn
Rydyn ni’n ddiogel, yn gynaliadwy, yn gost- effeithiol ac yn gyfleus. A dyna pam mae ein penderfyniadau bob amser yn canolbwyntio ar y pedwar peth hyn. Mae profiad pobl yn ganolog i bopeth rydyn ni’n ei wneud a dyma sut rydyn ni’n gwneud yn siŵr ei fod bob amser mor gadarnhaol â phosibl. Hyd yn oed mewn sefyllfaoedd heriol. - Ry’n ni’n herio ein hunain
Nid dim ond am heddiw rydyn ni yma, rydyn ni hefyd yn canolbwyntio’n gadarn ar y dyfodol. Mae hynny’n golygu dod o hyd i ffyrdd gwell o wneud pethau. Rydyn ni’n annog ein gilydd i berfformio ar ein gorau a gwella’n barhaus.
Ynglŷn â’n rhaglen i raddedigion
Rydym yn cynnig rhaglen raddedig ddwy flynedd sydd wedi’i chynllunio i ddatblygu arweinwyr y dyfodol a fydd yn helpu i drawsnewid y ffordd mae Cymru’n teithio. Fel graddedig Trafnidiaeth Cymru, byddwch yn ymuno â thîm deinamig sy’n adeiladu rhwydwaith trafnidiaeth aml-fodd, integredig, gyda dylanwad cadarnhaol a hir-dymor ar ffyniant y genedl. Mae’n gyfle i roi hwb i’ch gyrfa wrth weithio ar brosiectau sy’n gwneud gwahaniaeth go iawn bob dydd.
Byddwch yn dewis maes arbenigedd megis cynllunio trafnidiaeth, cyllid, peirianneg, AD neu reoli busnes, ac yn cylchdroi rhwng timau yn eich disgyblaeth ddewisol. Wrth i chi symud ymlaen, cewch brofiad ymarferol, datblygu’ch arbenigedd a meithrin y sgiliau sydd eu hangen i lwyddo.
Mae’r rhaglen yn cynnig popeth sydd ei angen arnoch i’ch cefnogi: mentora strwythuredig, gweithdai, dysgu academaidd a chefnogaeth ariannol i sicrhau statws proffesiynol yn eich maes.
Byddwch hefyd yn elwa o becyn cystadleuol, gan gynnwys cyflog cychwynnol o £27,000, 28 diwrnod o wyliau blynyddol, a mynediad at fuddion gwych fel aelodaeth campfa a chynigion manwerthu.
Rydym yn falch i adeiladu timau amrywiol sy’n adlewyrchu’r cymunedau rydym yn eu gwasanaethu. Beth bynnag fo’ch cefndir, os ydych yn dalentog ac yn uchelgeisiol, rydym am i chi ymuno â ni ar ein taith i newid y ffordd mae cenedl yn teithio.
Beth yw’r manteision?
 |
Cyflog |
| Byddwch yn cael eich talu £27,000 y flwyddyn, cyflog fydd yn cynyddu i £28,000 yn eich ail flwyddyn. | |
 |
Pensiwn |
| Rydym yn cynnig cynllun pensiwn hael. | |
 |
Budd-daliadau hyblyg |
| Gallwch gael budd-daliadau gofal iechyd, cynllun beicio i’r gwaith, aelodaeth o’r gampfa a gostyngiadau manwerthu. | |
 |
Gwyliau |
| Byddwch yn cael 28 diwrnod o wyliau, ynghyd â gwyliau banc. | |
 |
Achrediadau |
| Rydym wedi partneru â sefydliadau fel Cymdeithas y Cyfrifwyr Ardystiedig Siartredig (ACCA) i’ch helpu i ennill achrediadau proffesiynol cydnabyddedig. |
Mae pob un o’n swyddi graddedig yn cynnig profiad cymysg o gylchdroadau, gweithdai datblygu, gweminarau a mwy.
Bydd gennych y cyfle i wneud cyfraniad cadarnhaol a dysgu a chyflawni llawer ar hyd y daith. Byddwch hefyd yn cael cefnogaeth lawn gan eich mentor a’ch rheolwr.
Gwnewch gais cyn gynted â phosibl gan ein bod yn derbyn nifer fawr o geisiadau ar gyfer ein cynllun graddedigion. Gallwn gau’r broses ymgeisio yn gynnar os ydym yn derbyn nifer uchel o ymgeiswyr.
