Astudiaeth achos: Signature Property Finance
23 Mawrth 2025
Jack Taylor
Trosolwg
Mae Signature Property Finance yn roddwr benthyciadau sylfaenol sy’n darparu cyllid tymor byr ar gyfer eiddo i ddatblygwyr, landlordiaid, cwmnïau cyfyngedig a fuddsoddwyr. Gyda rheolwyr cysylltiadau wedi’u lleoli ledled y DU, maent yn recriwtio ac yn hyfforddi graddedigion newydd bob blwyddyn ar gyfer rolau cymorth yn eu swyddfa yng Nghaerdydd.
Heriau
Yn draddodiadol, mae Signature Property Finance yn mynychu ffeiriau gyrfaoedd prifysgolion lleol i recriwtio graddedigion ar gyfer rolau sy’n dechrau yn y gwanwyn. Mae’r strategaeth hon wedi bod yn effeithiol yn y gorffennol, gan ganiatáu i’r cwmni gynllunio a recriwtio ymlaen llaw.
Yn yr achos hon, ymddangosodd cyfle newydd yn ystod yr haf, a heb unrhyw ffair gyrfaoedd ar y gweill, roedd Signature Property Finance angen datrysiad cyflym. Trodd y cwmni at Darogan i gael help i ddod o hyd i berson raddedig addas ar gyfer y rôl.
Datrysiad a Chanlyniadau
Ymunodd Darogan yn gyflym i gefnogi Signature Property Finance trwy greu hysbyseb swydd deniadol wedi’i theilwra i ddenu graddedigion. Rhannwyd yr hysbyseb ar draws ein bwrdd swyddi graddedigion a’n rhwydwaith eang, gan gyrraedd miloedd o raddedigion yng Nghymru.
O ystyried brys y cais, sicrhawyd bod y broses yn effeithlon. O fewn pythefnos i bostio’r swydd, llwyddodd Signature Property Finance i recriwtio graddedig a ddarparwyd gan Darogan. Helpodd y broses gyflym i’r cleient lenwi’r swydd heb oedi.
Beth oedd gan Signature Property Finance i’w ddweud
“Ymatebodd Darogan Talent yn gyflym i’n hanghenion, a llwyddon ni i recriwtio graddedig o’u platfform o fewn ychydig wythnosau. Roedd y gwasanaeth personol yn amhrisiadwy, ac rydym yn gwerthfawrogi’r cefnogaeth a’r cyngor arbenigol a ddarparwyd drwy gydol y broses. Gwnaeth hyn yr holl wahaniaeth i fodloni ein hanghenion recriwtio mewn pryd.”
